Blogia
Nen@s de Vidal Portela

O CARBALLO

O CARBALLO

Xa sabedes  que o equipo de Normalización Lingüística do cole , acaba de propoñernos un Proxecto  acerca desa árbore tan nosa coma o carballo.

Navegando polas páxinas doutros coles podemos atopar información moi interesante e incluso Proxectos como este que emprendeu a obra social de Caixa Galicia no mes de Outubro.

 Na rede podemos atopar imaxes , rimas e poemas como este que podedes atopar na páxina anterior

"O CARBALLO"
Carballo, carballiño da carballeira
Carballo, carballiño que poucos quedan.
das túas polas tivo teito a miña casa...
do teu pé saquei madeira pro meu carro...
coas túa polas fixen rachas pra face-lo caldo...
cebei o meu porquiño coas túas landras...
e coas túas follas fíxenlle a cama...
á túa sombra, recobrei vida...
Carballo, carballiño da carballeira
Carballo, carballiño que poucos quedan


 ritos, lendas, e incluso referencias mitolóxicas sobre o tema. Tamén ides atopar relatos , historias como esta traducida do francés e que podemos atopar en vídeo  en inglés   e foi traducida  a varios idiomas ou  contos como estes do "carballo con botas" ademáis de  moitos libros  recentemente editados para nenos .

 Moitos son os que alzaron a súa voz en defensa do carballo , protagonista de artigos periodísticos   como este de Manuel Rivas do ano 1998, o estes outros que se recollen na páxina "A vida nos ríos Galegos" onde podemos atopar a historia que moitos escoitáchedes a principio de curso "A reunión do Pindo" sobre o enterro do último carballo enano.

 Non é tempo de sementeira pero podemos tomar boa nota para no futuro ser máis respetuosos con esas grandes amigas que son as árbores  tan importantes para a conservación do noso Entorno especialmente das especies en perigo de extinción.

Vota unha ollada aestes xogos sobre a importancia do bo uso dopapel e asúa  reciclaxe.

Animádevos a traer da casa todo aquelo que consideredes que pode ser interesante para traballar o tema nas aulas e compartilo cos compañeir@s.

 Se tedes ocasión non esquezades visitar a exposición sobre o carballo de Santa Margarida no Pazo de Mugartegui que remata o próximo 6 de MARZO.

¿Y esta publicidad? Puedes eliminarla si quieres
¿Y esta publicidad? Puedes eliminarla si quieres

1 comentario

Portela -

O carballo da Portela
te a folla revirada
que lle revorou o vento
unha mañan de xiada.
¿Y esta publicidad? Puedes eliminarla si quieres